أصبر ولا أصبر أبني ؟!!

أرحموا أبني اللي ذاكر
وادفعوا له تمن حلمه اللي مات
أبني عاش سنين فاكر
أنه راح يبقى طبيب الآهات
ما كنش عارف إن حلمه
فى لحظة يضيع بقرار
وشهادة حلم عمره
غيره راح يجيبها بالدولار
ما كنش فاكر إن التنسيق حقير
ما لوش قيمة مادام أبوه غفير
ما لوش قيمة مادام مات الضمير
ما لوش قيمة عند سيادة الوزير
وأنا الأب اللي عاش مخدوع
وأحاسب ابني على المجموع
وأحرم نفسي ونام بالجوع
يبقى حصادي يا حكومه دموع
أصبر ولا أصبر أبني
وأنا م الصدمة بقيت موجوع
أنت يا مصر بجد بتبني
ولا بجد أنا فيكي مخدوع
ليه عايزه تورثي ابني
مهنة حقيرة ما تنفعهوش
وأبن وزيرك يبقى وزير
وهو نحاس وكمان مغشوش
أتمنى يا مصر تخيبي ظني
وتثبتي إنك أرض حضارة
وتحققي حلم أبني وحلمي
قبل ما قلبي يبقى حجارة
وأحلف بتاريخك يا حضارة
لو أبني ما رجع له حقه
لبيعك وبعقب سيجارة
عشان أحس إن أبني أخد حقه